قصيدة ( صعلوك)

صعـــلوك
وفين هتروح يا صعلوك
ده توب واسع ماهوش قدك
غالى وتمنه ما يقضى
فيه عمرين على عمرك
عريض وطويل على حلمك
بعيد بعدك عن الفرحة
يا بن الحزن والحيرة
وليل ساكنك بيتحكم
تكون فى الكون عليل عقلك
ما يفهم غير دروس جدك
بليد فى السوق ومتجنن
بألف قصيدة فوق يدك
تلف تدور وحيد وحدك
ما تلقى لا شارى ولا سامع
بطل فى الوهم تتملك
مساحة توهة لحروبك
مع نفسك وتتغلب
عليك وتهيم مع غيرك
تخش ميدان غريب عنك
تنادى الكل
مش كلك
وكلك يختفى فى بعضك
وبعضك يختفى فيهم
ويحضن خطوة التايهة
وفين هتروح يا صعلوك
وراس مالك فقط شعرك
وصوت مبحوح من السكتة
وعين مجروحة م العتمة
ورق دايب على حبره
وماضى جاى على مهله
وحلم خجول بيتوفى
على فراش السكوت بيموت
مشاعر عايزة تتنفس
والفين معنى مكتومة
متنفع غير فى اسطورة
فى قلب كتاب قديم مرمى
فى كومة حلمك الباهت
راس مالك حاجات خلصت
وعدى عليها مليون حلم
قمر واقف ماهوش قمرك
ايديك تتمد دى قصيرة
ما تقدر حتى تفردهم
ولا تلمس شعاع واحد
بيغمزلك
ولو تنده
حروفك نايمة على سطرك
وفاقدة معانى لوصولك
ووصولها .. تواصلها
مع عيون القمر تايهة
ومفقودة
فى دوشة ولخبطة وشخابيط
وسوق ومزاد
الا دونا
الا انت
وكفة مايلة مش ليك
***********
وفين هتروح يا صعلوك
يا حساس
واحساسك
مبعتر ع السكك سايح
ورحلته فى القلوب دايمة
مدروش جوه دولة عشق
وعشقك سر اسرارك
صغير فى قلوب ما بتبصش
ملك فى الليل بتتمشى
على رصيف الطريق تشرب
وتسكر من هموم غيرك
وهمك هدمة ملبوسة
امير جواك ومملكتك
ما بين السطر تحكمها
وست الحسن مش توبك
واقفة تزين السوق
فى سوقها بليد انا وانت
ما نعرف فى المزاد حاجة
ومحتاجة
حاجات مش فيك ولا زيك
خلاص سيبك
هوى وحنين وشوق وشغف
حب. غرام . حنين وهيام
تتيم وجنون ده كلام
ما ينفع غير فى اوطانك
وطن الصعلكة والحزن
وفين هتروح يا صعلوك

محمد جابر محمد المتولى كتب:: صعـــلوك
وفين هتروح يا صعلوك
ده توب واسع ماهوش قدك
غالى وتمنه ما يقضى
فيه عمرين على عمرك
عريض وطويل على حلمك
بعيد بعدك عن الفرحة
يا بن الحزن والحيرة
وليل ساكنك بيتحكم
تكون فى الكون عليل عقلك
ما يفهم غير دروس جدك
بليد فى السوق ومتجنن
بألف قصيدة فوق يدك
تلف تدور وحيد وحدك
ما تلقى لا شارى ولا سامع
بطل فى الوهم تتملك
مساحة توهة لحروبك
مع نفسك وتتغلب
عليك وتهيم مع غيرك
تخش ميدان غريب عنك
تنادى الكل
مش كلك
وكلك يختفى فى بعضك
وبعضك يختفى فيهم
ويحضن خطوة التايهة
وفين هتروح يا صعلوك
وراس مالك فقط شعرك
وصوت مبحوح من السكتة
وعين مجروحة م العتمة
ورق دايب على حبره
وماضى جاى على مهله
وحلم خجول بيتوفى
على فراش السكوت بيموت
مشاعر عايزة تتنفس
والفين معنى مكتومة
متنفع غير فى اسطورة
فى قلب كتاب قديم مرمى
فى كومة حلمك الباهت
راس مالك حاجات خلصت
وعدى عليها مليون حلم
قمر واقف ماهوش قمرك
ايديك تتمد دى قصيرة
ما تقدر حتى تفردهم
ولا تلمس شعاع واحد
بيغمزلك
ولو تنده
حروفك نايمة على سطرك
وفاقدة معانى لوصولك
ووصولها .. تواصلها
مع عيون القمر تايهة
ومفقودة
فى دوشة ولخبطة وشخابيط
وسوق ومزاد
الا دونا
الا انت
وكفة مايلة مش ليك
***********
وفين هتروح يا صعلوك
يا حساس
واحساسك
مبعتر ع السكك سايح
ورحلته فى القلوب دايمة
مدروش جوه دولة عشق
وعشقك سر اسرارك
صغير فى قلوب ما بتبصش
ملك فى الليل بتتمشى
على رصيف الطريق تشرب
وتسكر من هموم غيرك
وهمك هدمة ملبوسة
امير جواك ومملكتك
ما بين السطر تحكمها
وست الحسن مش توبك
واقفة تزين السوق
فى سوقها بليد انا وانت
ما نعرف فى المزاد حاجة
ومحتاجة
حاجات مش فيك ولا زيك
خلاص سيبك
هوى وحنين وشوق وشغف
حب. غرام . حنين وهيام
تتيم وجنون ده كلام
ما ينفع غير فى اوطانك
وطن الصعلكة والحزن
وفين هتروح يا صعلوك

الله الله الله
ما اجمل اشعارك / احساسك وكلماتك الرائعة ايها الشاعر الكبير
الاخ والصديق / محمد جابر المتولى
كعادتك تبهرنا بالصياغة والمضمون
تقبل خالص ودى واحترامى وتقديرى